5 وسائل عن ازاى التطوع هيساعدك تلاقى شغل ؟ وليه التطوع يعتبر احد انجح اساليب البحث عن وظيفة ؟
– فى فوائد كتيرة للتطوع معظمنا يعرفها زى انه بيساعدك تنمى مهاراتك الشخصية وبيديك خبرة اكتر وتكون صداقات جديدة وبتكتبها طبعا فى ال C.V واخيرا ثواب ليك.
– بس فى طرق مهمة ممكن تستغل بيها التطوع فى الحصول على الوظيفة اللى انت بتحلم بيها وهنتكلم على 5 من الطرق دى:
1- التطوع بيديك خبرات مختلفة وجديدة بس حاول تستفيد منه اكتر عن طريق انك تنضم لعمل تطوعى متعلق بمجالك الحالى او اللى نفسك تشتغل فيه, وخصوصا لو التطوع هيخليك تعمل نفس مهام الوظيفة اللى انت بتشتغلها.
2- التطوع بيخليك تقابل ناس كتييير جدااااا وتكون علاقات وصداقات جديدة ودول بيعتبروا جزء من ال Network بتاعتك, فا حاول تحافظ على علاقة طويلة الاجل معاهم وتشارك اهتماماتك وطموحاتك معاهم لان ال Network بتاعتك هى اللى هتوصلك لفرص اكتر ما كنت تتخيل.
3- لو انت حديث التخرج وعايز تشتغل فى مجال معين وبتضايقك اوى حتة الخبرات اللى بيطلبوها فى اعلانات الوظائف, فا حاول دايما تسأل على فرصة تطوع او تدريب فى الشركات اللى نفسك تشتغل فيها او مع الناس اللى نفسك تشتغل معاهم واعرض مساعدتك عليهم واهو تبقى خدت فرصة توريهم شطارتك.
5- لو انت عاطل عن العمل لفترة وخايف الفترة دى تضرك لما تتكلم عن فى Interview او تكتبها فى ال C.V فا انت ممكن تدور على فرصة تطوع فى مجالك وتكتب الفترة دى فى ال C.V وتتكلم عنها فى ال Interview عن انها كانت تحدى وانك مسبتش الشغل او بعدت عن مجالك.
– فى النهاية متستهونش بأى نشاط تطوعى اى حد بيعمله لان هيفيدك بجميع الاحوال زى ما ذكرنا ومتبخلش على نفسك انك تستغل فرص تطوعك فى انك تلاقى فرصة احسن فى مجالك.
– انت ممكن تطوع بجزء من وقتك او بمجهودك او حتى بخبراتك ونصايحك حتى وانت فى البيت على الانترنت لان اكيد فى حد محتاج الحاجات دى وهيقدر مساعدتك.