اسئلة مقابلات ( انترفيوهات ) المحاسبين للعمل بالحسابات او بالبنوك
=============================================
للمحاسبين فقط )جميع الاسئلة المتوقعة فى مقابلات التوظيف واجاباتها )
=============================================
1- ايه الفرق بين الميزانية والمركز المالي ؟؟؟
طبعا سؤال سهل ..
المركز المالي : هو قائمة توضح أصول وخصوم المنشأة … يعني حقوق والتزامات المنشأة … يعني ايه اللي للمنشأة وايه اللي عليها … في أي يوم في السنة .
يعني في أي يوم نجي نروح عاملين موقف للمنشأة عارفين ايه اللي ليها وايه اللي عليها ونحطه في صورة قائمة تبقى دي اسمها المركز المالي.
طب ايه هي الميزانية العمومية ؟
هي : مركز مالي …..
ايه مركز مالي … يعني أصول وخصوم المنشأة … حقوق والتزمات المنشأة
طب ايه الفرق ؟ الفرق ان الميزانية العمومية هي مركز مالي للمنشأة في نهاية السنة المالية. يعني في نهاية السنة المالية في آخر يوم في 30/6 مثلا بنعرف حقوق والتزامات المنشأة فتبقى اسمها الميزانية العمومية
***************************************************
2-ايه الفرق بين الميزانية والموازنة ؟؟؟
الميزانية العمومية : هي زي ما قلنا عبارة عن قائمة توضح أصول وخصوم المنشأة … حقوق والتزمات المنشأة في نهاية السنة المالية وبتكون معها الحسابات الختامية ( حـ / المتاجرة وحـ/ الأرباح والخسائر ) اللي بيوضحوا نتيجة نشاط المنشأة من ربح أو خسارة عن الفترة المالية السابقة .
يعني ايه ؟؟! يعني ان الحسابات الختامية هي اللي بتوضح مصروفات السنة اللي فاتت الفعلية وايرادات السنة اللي فاتت الفعلية لكن الميزانية العمومية توضح حقوق والتزامات المنشأة في نهاية السنة .
طب ايه هي الموازنة ؟؟؟
الموازنة التقديرية : هي عبارة عن تقدير لايرادات ومصروفات المنشأة للسنة القادمة أو لعدة سنوات قادمة
******************************************************
3- ايه الفرق بين المصروفات الايرادية والمصروفات الرأسمالية ؟؟؟
أولا نحب نعرف ايه هو المصروف :
هو عبارة عن نفقة ( يعني –> فلوس بادفعها ) في سبيل الحصول على ايراد.
يعني بادفع مثلا ايجار للمحل … ليه ؟؟ علشان أبيع منه واحصل على الايراد.
بادفع مثلا أجور ومرتبات للعاملين … ليه ؟؟ علشان ينتجوا واحصل على الايراد.
يبقى المصروف بادفعه في سبيل الحصول على الايراد.
المصروف الايرادية : هو مصروف يحقق الايراد في نفس السنة المالية .
المصروف الرأسمالي : هو مصروف يحقق الايراد في عدة فترات مالية ويؤدي إلى زيادة الطاقة الانتاجية للمنشأة .
يعني مثلا : مصروف الأجور والمرتبات بتدفع كل شهر عن عمل الموظفين عن الشهر يعني كل شهر بيأخدو مرتباتهم فيها بيدخلوا للمنشأة ايراد في نفس الشهر ….. يبقى مصروف الأجور والمرتبات مصروف ايرادي .
ومثلا : م الدعاية والإعلان … الشركة مثلا عملت حملة اعلانية ضخمة استفادت بها المنشأة على كذا سنة .. يعني ساعدت على تحقيق الايرادات خلال عدة سنوات … يبقى المصروف ده مصروف رأسمالي .
مثال تاني :-
مصروف الصيانة … عملنا صيانة للآلات والمعدات للمنشأة علشان ترجع تنتج تاني يبقى المصروف ده مصروف إيرادي .
طب لوجينا عملنا صيانة للألات مش علشان ترجع تشتغل تاني بس ولكن تزيد طاقتها الانتاجية … يعني بدل ما تنتج مثلا عشر وحدات خليناها تنتج 15 وحدة يعن زودنا كفائتها الانتاجية والزيادة دي مش هتكون في أول سنة بس ؟؟ لا طبعا … في السنين المتتالية اللي بعديها . يبقى المصروف ده في هذه الحالة مصروف رأسمالي.
*********************************************************
4- ما الفرق بين المخصص والاحتياطي ؟؟
أولا : نحب نقول لكم على حاجة الأول …
أي منشأة صاحبها بيعملها علشان يكسب من ورائها أرباح يستفيد بيها …. وعلشان صاحب المنشأة أو الشركة مش يفضل يسحب فلوس من الشركة لحد ما تتعدى رأس ماله … حددنا في المحاسب جزء أو ( حساب بمعنى المحاسبين ) هو ده بس اللي يسحب منه …. لأن بعد كده هيبدأ يستهلك رأسماله في الشركة …. وطبعا لو فضل على الحالة دي (( يعني يسحب من رأسماله )) هيفاجأ إن الشركة مش بتاعته بقت بتاعة الدائنين اللي عاوزين حقوقهم …. وبالتالي هيعلن افلاسه.
علشان كده قلنا لازم نخلي حساب خاص للأرباح هو بس اللي يتسحب منه الفلوس .
يعني ممكن نعرف الأرباح : على أنها الزيادة في حقوق الملكية لأصحاب المنشأة .
وأيضا ممكن نعرف الخسائر : على أنها النقص في حقوق الملكية لأصحاب المنشأ’ة.
نرجع لموضوعنا … الفرق بين المخصص والاحتياطي
المخصص والاحتياطي … الاثنين مبلغ يستقطع من الربح لمواجهة خسارة متوقعة .
واحنا طبعا عارفين مبدأ الحيطة والحذر : اللي هو إنه ينبغي على الشركة تحطاط لكل خسارة متوقعة وتحذر من كل إيراد غير محقق.
الفرق إن المخصص بيتم تكوينه في حالة تحقق ربح أو تحقق خسارة يعني جبري ( فرضته مبادئ ومعايير المحاسبة ).
لكن الاحتياطي لا يتم تكوينة إلا في حالة وجود أرباح فقط وبيكون اختياري على المنشأة ( إلا البنوك وشركات التأمين).
فرق تاني إن المخصص بيكون لمواجهةخسارة حقيقة أو متوقعة بنسبة كبيرة ( مثل مخصص الاهلاك ).
أما الاحتياطي بيكون لمواجهة خسارة متوقعة ولكن احتمال وقوعها ضئيل (مثل مخصص ارتفاع أسعار الأصول الثابتة ) يعني بيكون لتدعيم المركز المالي
***************************************************
.
5- ما هو الحساب الذي لا يظهر ضمن ميزان المراجعة ؟؟
الله … يا سلام … سؤال سهل جدا ….
أولا : لازم نعرف الحسابات اللي بتظهر في ميزان المراجعة بتظهر ليه ؟؟! لأن ميزان المرجعة محصلة وملخص لعمليات سابقة عليه هي مراحل نظام المحاسبة اللي هي :-
تجميع الأحداث المالي ———> تسجيل الأحداث المالية في قيود يومية ——–> تبويب الأحداث المالي في حـ/ الأستاذ ————> تليخص اعمليات السابقة في ميزان المراجعة
طب ايه هو الحساب أو البند الذي لا يمر بكل هذه المراحل …. ؟؟؟
بضاعة آخر المدة …. لأنها تكون نتيجة جرد وليس نتيجة قيد يومية ، يعني بيتم جرد البضاعة وتقييمها ثم وضع قيمتها مرة دائن في حـ/ المتاجرة ومرة مدينة في الميزانية العمومية تحت بند الأصول المتداولة
_______________________________________________
6- إيه الفرق بين الكمبيالة والسند الاذني ؟؟
أولا : الكمبيالة والسند الاذني بيطلق عليهما الأوراق التجارية … وهما وسيلة من وسائل الائتمان التجاري ….
حاسب … حاسب ياعم انت ايه الكلام الكبير ده … وحده وحده علينا … ايه الائتمان التجاري دة ؟؟؟
الائتمان التجاري ده : عبارة عن تأخير دفع ثمن البضاعة المشتراة وذلك لحد الحال ما يتحسن الحال … بيستفيد بها التجار المشترين في توفير سيولة لوقت مؤقت … وبيستفيد بها التجار البائعين في جذب المشترين وترويج بضاعتهم .
طب ايه الفرق بين الكمبيالة والسند الاذني ؟
الكمبيالة عبارة عن أمر كتابي يصدر من الدائن إلى المدين بطلب فيه دفع مبلغ معين إلى الدائن أو إلى شخص ثالث المستفيد وذلك فور الاطلاع عليها أو في تاريخ معين … يعني …..
حسين اشترى بضاعة من محمد بالأجل
يبقى حسين مدين ومحمد دائن
يجي محمد يقول لحسين اكتب لي كمبيالة مقابل البضاعة
عبارة عن ايه الكمبيالة محمد يأمر حسين بأنه يدفع مبلغ الكمبيالة في تاريخ معين ويمضي عليها حسين انه موافق على الدفع ..
محمد بقى ممكن يأخد هو الفلوس دي …. أو ممكن يبقى هو مدين لشخص ثالث عبد الله مثلا فيروح كاتب اسم عبدالله على الكمبيالة ويروح عبد الله لحسين علشان ياخد فلوسه منه .
يبقى الكمبيالة ليها ثلاث أطراف
1- حسين المدين ( المسحوب عليها ) هو اللي هيدفع الفلوس لأي حد يجيب له الكمبيالة
2- محمد الدائن ( الساحب ) هو ده الدائن الأول لحسين اللي حرر الكمبيالة مع حسين
3- عبد الله الدائن لمحمد ( المستفيد ) وهو اللي هيقبض الفلوس من حسين
ملحوظة ::
ممكن محمد يكون هو المستفيد يعني ممكن يقبض هو الفلوس بتعاته على طول من حسين
وممكن عبد الله يكتب اسم شخص رابع دائن لعبد الله وهو اللي يروح يصرف الفلوس من حسين وهكذا….
السند الاذني : هو تعهد كتابي يتعهد فيه المدين بدفع مبلغ معين للدائن في تاريخ محدد.
يعني يتعهد حسين المدين ( المسحوب عليه ) بدفع مبلغ لمحمد الدائن الأصلي لحسين ( المستفيد ) في تاريخ معين.
يبقى الفرق إن أطراف الكمبيالة ثلاثة والسند الاذني اثنين فقط
************************************************
إيه الفرق بين أوراق القبض وأوراق الدفع ؟؟7-
أوراق القبض وأوراق الدفع يطلق عليها الأوراق التجارية … وهي الكمبيالة والسند الاذني…
بس الفرق إنه لما يكون المسحوب عليه في الكمبيالة والسند الاذني هو الشركة أو المنشأة تبقى دي أوراق دفع تظهر ضمن الخصوم المتداولة في قائمة المركز المالي أو الميزانية
أما لو كان المستفيد من الكمبيالة والسند الاذني الشركة أو المنشأة تبقى دي أوراق قبض بتظهر ضمن الأصول المتداولة في قائمة المركز المالي أو الميزانية
يعني لو هنقبض من الورقة التجارية تبقى أوراق قبض لكن لو هندفع تبقى أوراق دفع .
********************************************
8- ايه الفرق بين أوراق القبض وبين الأوراق المالية ؟؟؟
علشان يكون في العلم أوراق القبض والأوراق المالية هي من الأصول المتداولة
أوراق القبض زي ما عرفنا هي الكمبيالة أو السند الاذني اللي بيكون المستفيد فيها هي الشركة أو المنشأة
لكن الأوراق المالية هي الأسهم والسندات اللي بتشتريها المنشأة علشان تأخذ عائد من ورائها .-
**********************************************
9- هل المبيعات مدينة أم دائنة ؟؟؟
أولا ما هي أنواع الحسابات ؟؟
أنواع الحسابات هي :-
——————————> حسابات حقيقية : وهي الحسابات التي تعبر عن شي حقيقي يمكن جرده ويمكن التصرف فيه – بالبيع مثلا – وهي مثل ( الأصول الثابتة )( مخزون البضائع )( الأوراق التجارية والمالية )( النقدية بالصندوق والبنوك )
——————————> حسابات شخصية : وهي المتعلقة بالأشخاص ، والأشخاص نوعين شخص حقيقي مثل ( محمد ، علي ، حسين ، ….. وهكذا ) وشخص معنوي مثل ( شركة …. ، مصلحة ….. ، مؤسسة …. ، ….. وهكذا ) .
——————————> حسابات وهمية أو أسمية : وهي عكس الحقيقية أي لا يمكن جردها ولا يمكن التصرف فيها لا بالبيع أو بالشراء. وهي مثل ( المصروفات والإيرادات ) فمثلا حـ/ الايجار هل يمكن عده أو جرده هل يمكن أن أبيع شوية أيجار . ، وأيضا مثل ( الخسائر والأرباح ) هل يمكن عد أو جرد الخسائر أو الأرباح لا يمكن طبعا . وأيضا مثل ( المشتريات والمبيعات ).
ايه لا استنى لحظة … ازاي المشتريات والمبيعات لا يمكن جردها ؟؟؟ هي مش بضاعة ؟؟!!
لا .. لا … حـ/ المشتريات وحـ/ المبيعات مش بضاعة هي عبارة عن قيم للبضاعة والدليل ان احنا مش خليناهم في حساب واحد لأن المشتريات بسعر التكلفة والمبيعات بسعر البيع فلا يمكن أن يوضوعوا في حساب واحد وبالتالي فحـ/ المشتريات هي عبارة عن حساب أسمي فقط تم عمله لمعرفة قيمة البضاعة المشتراه بسعر الشراء أو التكلفة ، وحـ/ المبيعات عبارة عن حساب أسمي فقط تم عمله لمعرفة قيمة البضاعة المباعة بسعر البيع ، فالحسابين لا يعبران عن شيء حقيقي
نرجع للسؤالنا ايه هو الحساب المدين من الدائن
** جميع الحسابات الحقيقية مدينة
** أما الحسابات الشخصية فهي مدينة لو أخذت ودائنة لو أعطت يعني بالبلدي لو واحد أخذ منك فلوس هيبقى ايه ؟؟ … طبعا مدين ، ولو واحد أعطاك فلوس هيبقى ايه ؟؟؟…. طبعا دائن
** أما الحسابات الوهمية أو الأسمية
بالنسبة للمصروفات والخسائر والمشتريات كلها مدينة
وبالنسبة للإيرادات والأرباح والمبيعات كلها دائنة
*****************************************************
10-عرف الدورة المستندية وأعطي مثلا منها ؟؟؟
الدورة المستندية : من أسمها كده نعرف ان هي بتتكلم عن حركة المستندات داخل الشركة . وكون ان هي دورة لان حركتها داخل أي منشأة تتابع دورة الفلوس والأموال داخل الشركة
يعني ايه ياعم انت …
يعني أنا لم أدفع فلوس علشان أشتري بضاعة وأدفع مصروفات وبعدين أبدأ أبيع وأستلم فلوس البيع علشان تبدأ تاني عملية اني أدفع فلوس وأشتري بضاعة …… وهكذا
جميع المستندات التي تدل على اثبات جميع هذه الحركات تسمى بالدورة المستندية
وهي عبارة عن ايه :-
—> عند دفع الفلوس يتم تحرير ايصال صرف نقدية معتمد من المدير المالي والمدير العام للشركة ويوقع مستلم الفلوس على الايصال ( هي سايبة ولا ايه )
—> عند شراء بضاعة فهناك فاتورة مشتريات بقيمة هذه البضاعة وإذن اضافة بالمخازن لاثبات استلام البضاعة ووضعها داخل مخازن الشركة ومتنسوش التوقيع والاعتماد من مدير المشتريات والمدير العام
—> عند بيع البضاعة هناك فاتورة مبيعات من الشركة للعميل وكمان اذن صرف من المخازن يثبت أن البضاعة تم صرفها والعميل وقع على أنه استلمها
—> عند استلام فلوس من من أحد العملا أو من المبيعات النقدية يتم تحرير ايصال استلام نقدية ويوقع عليه أمين الخزينة .
—> وهكذا
***************************************************
11- ما هي طريقة تقييم المخزون ؟؟؟
هذا السؤال كثيرا ما يرد في أي انتر فيو للمحاسبين ،،، ولكن خلي بالك في سؤال تاني في نفس الموضوع ناس كتير بتتلخبط بينهم وهو …
**************************************************
12- ما هي طرق تسعير المخازن ؟؟؟
وطبعا الفرق إن السؤال الأول بيتكلم عن طريقة تقييم المخزون والمقصود بالمخزون هنا يعني بضاعة آخر المدة … يعني لما نيجي نجرد البضاعة طبعا بنجردها كميات … طب وايه اللي هيحصل بعد كده ؟؟ طبعا لازم ندي قيمة وسعر لهذه البضاعة … هو ده اللي بنسميه طريقة تقييم المخزون
والطريقة المتبعة والسائدة هنا هي طريقة التكلفة أو السوق أيهما اقل
ازاي؟؟؟؟!!!
يعني بعد ما جردنا نأخذ آخر سعر للبضاعة دي اللي احنا اشترناها بيه ونقارن بينه وبين سعرها في السوق الأقل هو ده اللي احنا هنسعر بيه البضاعة الموجودة في المخازن آخر المدة.
طب ايه معنى السؤال الثاني ؟؟؟
السؤال الثاني بيتكلم عن طرق تسعير المخازن ،، يعني البضاعة لما تخش المخازن بتدخل بسعر الشراء اللي احنا اشترناها بيه وبعد كام يوم نشتري بضاعة تانية ولكن بسعر أعلى شوية وبعد كام يوم تانيين السعر زاد تاني وممكن يقل ( ما هو مفيش أمان اليومين دول ) ، ولكن لما بتتصرف من المخزن بتطلع بأي سعر ؟؟؟ لان السعر مش ثابت كل يوم بيتغير .
وهنا هناك ثلاث طرق لتسعير البضاعة في المخازن وهي :-
أولا: الوارد أولا يصرف أولا :
ايه ده أولا في كله…
يعني البضاعة لما بتدخل في المخازن بسعر نبدا نصرف منها بنفس السعر الأول اللي احنا اشترينا بيه لحد لما تخلص الكمية وبعدين نخش على الكمية والسعر اللي بعده وهكذا
مثلا:
اشترينا 5 كمبيوترات بسعر2500 جنيه للجهاز ودخلوا المخزن
وبعدين اشترينا 3 كمبيوترات تانين ولكن بسعر 2600 جنيه للجهاز ودخلتاهم المخزن
أول ما نيجي نصرف مثلا 4 كمبيوترات من المخزن هيكونوا بسعر 2500 جنية سعر أول بضاعة خرجت
ولو جينا صرفنا 2 كمبيوتر تانين من المخزن هيكون واحد بسعر 2500 وواحد بسعر 2600 يعني نفضل ناخد سعر أول بضاعة جاية لحد لما تخلص الكمبية اللي عندنا
ثانيا : الوارد أخيرا يصرف أولا :
وهي عكس الطريقة الأولى يعني نصرف من المخزن البضاعة بسعر آخر بضاعة دخلت المخزن لحد لما تخلص الكمية وبعدين نخش على الكمية اللي قبلها وهكذا .
مثلا :
في حالتنا السابقة دي
اول لما نيجي نصرف أربع كمبيوترات من المخازن هنصرف 3 كمبيوترات بسعر 2600 جنية وبعدين نصرف كمبيوتر واحد بسعر 2500 جنية يعني صرفنا بآخر سعر دخل المخزن لحد ما خلصت الكمية وبعدين أخذنا بسعر اللي قبله وهكذا
وأول لما نصرف 2 كمبيوتر من المخزن هنصرفهم بسعر 2500 جنيه
ثالثا : طريقة متوسط السعر :
يعني بالبلدي نأخذ متوسط سعر بين اللي الاثنين يعني نجمع السعر الأول + السعر الثاني ونقسمهم على 2
مثلا :
في حالتنا السابقة دي
أول لما نيجي نصرف الأربع كمبيوترات من المخازن نصرفهم بسعر 2550 جنية وهو ده متوسط السعر بين الاثنين حسبناها ازاي كد هو …
2500+2600
————– = 2550
2
ولما نصرف 2 كمبيوتر تانين نصرفهم بسعر 2550برضو
ولمانشتري مثلا 3كمبيوترات تانين بسعر 2700 جنية اذن يتم الصرف بسعر 2625 جنية ازاي
2550+2700
————- = 2625
2
وهكذا
وهنا نكون عرفنا أيضا الفرق بين المخزون والمخزن :
الفرق إن المخزون ده عبارة عن البضاعة الموجود داخل المخزن آخر المدة
أما المخزن فهو المكان نفس اللي بتتخزن فيه البضاعة يعني لما تدخل فيه بضاعة بيكون مدين ولما بتتصرف منه بيكون دائن
*************************************************
13 – ما الفرق بين ( Perpetual Inventory System & Periodic Inventory System ) ؟؟؟
هذا السؤال أورده أحد الأخوة الأفاضل اتعرض عليه في انتر فيو ،، أولا عاوزين نعرف ايه معنى كل مصطلح منهما ؟
Perpetual Inventory System
ويعني (( نظام الجرد المستمر ))
ويعني (( نظام الجرد الدوري ))
ايه الفرق بين النظامين ؟؟
1- نظام الجرد المستمر هو ان الشركة بتعمل حساب ضمن حسابات الشركة هو حـ/ المخزن ،، هذا الحساب يدخل فيه حركة المخزن كلها.
يعني عند شراء المنتجات ودخولها المخزن بنقول
من حـ/ المخزن
_______ إلى حـ/ (( الحدث المكمل ليه )) وليكن الخزينة
وعند صرف البضاعة وبيعها وخروجها من المخزن بنقول
من حـ/ (( الحدث المكمل ليه )) وليكن العملاء
_______ إلى حـ/ المخزن
يعني بنفضل نقيد كل حركة بتحدث على البضاعة (( المخزن )) يوم بيوم .
2- أما نظام الجرد الدوري هو أن الشركة تعمل حساب مستقل لكل حدث على المخزن .
يعني عند شراء المنتجات ودخولها الشركة بنقول
من حـ/ المشتريات
عند البيع نقول
إلى حـ/ المبيعات
عند رد المبيعات نقول
من حـ/ مردودات المبيعات
عند رد المشتريات نقول
إلى حـ/ مردودات المشتريات
وفي نهاية السنة بنعمل جرد للمخزون وبيكون هو ده مخزون آخر المدة .
3- المهم النظام الأول وهو نظام الجرد المستمر بيستخدم غالبا في الشركات الصناعية وعند الصرف من المخزن بنصرف خامات بتدخل في العملية الانتاجية فبيكون القيد كما يلي(جروب ان شاء الله هنشتغل)
من ح/ التشغيل
_______ إلى حـ/ المخزن ( خامات )
يعني بنقفل حساب المخزن في حساب التشغيل
أما نظام الجرد الدوري فغالبا بيستخدم في الشركات والمؤسسات التجارية .
***********************************************************
ماالمقصود بالاعتمادات المستندية؟
الاعتمادات المستنديه كامله
نبدأ خطوه خطوه فى تعريف الاعتمادات المستنديه
طرق الشراء من الخارج أو تمويل التجارة الخارجية
الأعتمادات المستندية : و هي تعتبر الوسيلة الأهم و الأكثر شيوعاً ، و ذلك لقدرتها على تقليل حدة المشاكل بين المصدرين و المستوردين إلى الحد الذي تختفي معه تماماً أية منازعات إذا ما نفذت الأطراف المعنية إلتزاماتها المحددة بشروط الإعتماد .
التحويلات : و تتم هذه الطريقة إذا كانت العلاقة بين المصدر و المستورد جيدة جداً
تابع 1…الاعتمادات المستنديه
تعريف الأعتماد المستندي :
هو تعهد من فاتح الإعتماد (البنك) للمستفيد من الإعتماد (المصدر) بناءً على طلب عميله (المستورد) بأن يدفع قيمة الإعتماد فور وصول مستندات الشحن مطابقة لشروط الإعتماد لذا فهو عقد ثلاثي الأطراف بين كل من المصدر و المستورد و البنك الضامن
هو تعهد يصدر بواسطة بنك المشتري بدفع قيمة الكمبيالة للبائع .
هو تعهد يصدر بواسطة بنك المشتري ( طالب فتح الإعتماد ) أو لحسابه الخاص بدفع قيمة الكمبيالة ( سواء بالإطلاع At Sight أو آجلة Time Draft ) أو المستندات المقدمة للبائع بشرط مطابقتها لكافة شروط الإعتماد ، و هو ما يرضي رغبة الطرفين من حيث السيولة و المصادر الإئتمانية .
تابــــع 2: الاعتمادات المستنديه
مميزات الأعتماد المستندي في تسهيل تمويل التجارة الخارجية :
يكون عن عملية واحدة و وعد بالدفع غير قابل للرجوع فيه .
يخفض الأخطار التجارية لضمان الدفع بواسطة البنك مصدر الإعتماد .
يخفض الأخطار الإقتصادية و السياسية .
يعفي البائع من دراسة إمكانية المشتري في الدفع من عدمه .
لا يكون المشتري مطالباً بتغطية كامل قيمة الإعتماد ، و يسمح له في الحصول على أفضل سعر إذا كان الدفع عن طريق الحساب المفتوح أو التحصيل .
القوانين التشريعية و المدنية و التجارية ، و قوانين العقود و العرف ( التجاري و المصرفي )
يلاحظ أنه :- أي خلل يفصل فيه البنك المركزي أولاً ثم غرفة التجارة الدولية و عليه يوضع المتسبب في قائمة ال Black List ، إلا أن الإعتماد ما زال لا يحمي من عمليات النصب و ذلك لأن البنك طرف غير مسئول و دوره هو فحص المستندات و لا يستطيع معرفة ما إذا كانت هذه المستندات مزورة أم لا .
تــــابع 3: الاعتمادات المستنديه
أطراف الإعتماد المستندي
أ- المستورد : و هو طالب فتح الإعتماد
ب- البنك فاتح الإعتماد : و هو بنك المستورد
ت- البنك مبلغ الإعتماد : و هو بنك المصدر (يظهر في حالة إنعدام الثقة)
ث- المستفيد : و هو المصدر
العلاقة التعاقدية:
العلاقة بين البائع و المشتري .
العلاقة بين المشتري و البنك مصدر الإعتماد .
العلاقة بين البنك مصدر الإعتماد و البائع .
تـــــابع 4 : الاعتمادات المستنديه
العلاقة فيما بين البائع و المشتري
وهي مرحلة ما قبل فتح الإعتماد فيها تتم إتصالات بين المصدر (المورد) و المستورد (المشتري) للإتفاق على كافة تفاصيل الرسالة مع الأخذ في الأعتبار الإعتبارات السياسية و الإقتصادية و القانونية التي قد تؤثر على الرسالة أو العملية محل الإتفاق ، و متى تم الإتفاق على ما يلي :
البضاعة / الخدمة المتفق عليها>>>>Merchandise
عقــد البيــع>>>>Contract
تفاصيل الشحن و التسليم>>>Delivery terms
طريقــــة الدفـــــع>>>Payment
المستنــــــدات المطــلوبة>>>Documents
التأمين على البضاعة و تغطيته>>>Insurance
يرسل المصدر للمستورد فاتورة مبدئية أو صورية تسمى :
Performa invoice
و التي توضح
<<<أسعار البضاعة The Price Of Goods
شروط الدفع >>>Terms Of Payment
شروط التسليم >>> Terms Of Delivery
تـــــابع 5:اهم جزء فى الاعتمادات
و من أشهر شروط الشحن التي يتم التعامل بها :-
التسليم محل البائع .. تسليم المصنع>>>Exporter Factory
حيث يقوم البائع بتسليم البضائع للمشتري أمام أو على بوابة مصنع البائع ، و يتحمل المشتري كافة تكاليف نقل البضائع إلى ميناء الشحن و تكاليف التحميل و الشحن إلى ميناء الوصول و التفريغ و كذا التأمين على البضائع .
و يتم إحتساب سعر التسليم محل البائع بإضافة كل من تكلفة المواد الخام + مصاريف التشغيل + مصاريف البيع + الربح
التسليم بجوار الباخرة>>>Free Along Side >>>F.A.S
حيث يقوم البائع بتسليم البضائع للمشتري بجوار السفينة أو الطائرة أو أي وسيلة أخرى للشحن تم الإتفاق عليها ، و يتحمل المشتري كافة تكاليف التحميل و الشحن إلى ميناء الوصول و التفريغ و كذا التأمين على البضائع .
و يتم إحتساب سعر التسليم بجوار الباخرة بإضافة كل من تكلفة المواد الخام + مصاريف التشغيل + مصاريف البيع + تكاليف الشحن إلى ميناء الوصول + الربح
تـــــابع 6:اهم جزء فى الاعتمادات
و من أشهر شروط الشحن التي يتم التعامل بها :-
<<< التسليم ظهر الباخرة / الطائرة Free On Board <<<F.O.B
حيث يقوم البائع بتسليم البضائع للمشتري على ظهر وسيلة الشحن ، و يتحمل المشتري كافة تكاليف الشحن إلى ميناء الوصول و التفريغ و كذا التأمين على البضائع
و يتم إحتساب سعر التسليم ظهر الباخرة بإضافة كل من تكلفة المواد الخام + مصاريف التشغيل + مصاريف البيع + تكاليف الشحن إلى ميناء الوصول + تكاليف التحميل على ظهر وسيلة الشحن + الربح .
<<<التسليم ظهر الباخرة / الطائرة مع التأمينCost and Insurance >>C & I
و في هذه الحالة يقوم البائع بتسليم البضائع للمشتري ظهر و سيلة الشحن و يقوم بالتأمين عليها ، و يتحمل المشتري كافة تكاليف الشحن إلى ميناء الوصول و التفريغ .
و يتم إحتساب سعر التسليم ظهر الباخرة بإضافة كل من تكلفة المواد الخام + مصاريف التشغيل + مصاريف البيع + تكاليف الشحن إلى ميناء الوصول + تكاليف التحميل على ظهر وسيلة الشحن + التأمين على البضائع + الربح .
تـــــابع 7:اهم جزء فى الاعتمادات
و من أشهر شروط الشحن التي يتم التعامل بها :-
Cost and Freight <<<C & F <<<<التسليم ميناء الوصول
حيث يقوم البائع بتسليم البضائع للمشتري ميناء الوصول دون التأمين عليها ، حيث يتحمل المشتري تكاليف التفريغ و التأمين على البضائع .
و يتم إحتساب سعر التسليم ظهر الباخرة بإضافة كل من تكلفة المواد الخام + مصاريف التشغيل + مصاريف البيع + تكاليف الشحن إلى ميناء الوصول + تكاليف التحميل على ظهر وسيلة الشحن + تكاليف الشحن إلى ميناء الوصول + الربح .
التسليم ميناء الوصول مع التأمين<<<<Cost , Insurance and Freight <<C.I.F
حيث يقوم البائع بتسليم البضائع للمشتري ميناء الوصول مع التأمين عليها ، و يتحمل المشتري تكاليف التفريغ فقط .
و يتم إحتساب سعر التسليم ظهر الباخرة بإضافة كل من تكلفة المواد الخام + مصاريف التشغيل + مصاريف البيع + تكاليف الشحن إلى ميناء الوصول + تكاليف التحميل على ظهر وسيلة الشحن + تكاليف الشحن إلى ميناء الوصول+ التأمين على البضائع + الربح .
( و هي القيمة التي على أساسها يتم احتساب الضريبة الجمركية لذا تظهر بشهادة اإجراءات التي تصدرها مصلحة الجمارك
هام جدااااااااااااا الجزء الاخير : الاعتمادات المستنديه ..الجزء العملى
بعد فتح الإعتماد المستندي يظل البنك مصدر الإعتماد ينفق على الرسالة ، و يرسل إشعارات ( خصم من حساب المشتري ) بكافة المصاريف و الرسوم .
مثل : م . فتح الإعتماد –عمولة فتح الإعتماد – م . التلكس و الفاكس – م . إدارية متنوعة مثل م. وزارة الإقتصاد – و أية دفعات تم دفعها للمصدر مثلاً 10% من قيمة الإعتماد ، 90% من قيمته ….
و على ذلك يتم إضافة كافة العمليات المالية التي تخص الرسالة على تكلفة الإعتماد المستندي في ح/ الإعتماد المستندي فتكون القيود المحاسبي على النحو التالي :
من ح/الاعتماد المستندى او الرسائل الاستيراديه
الى ح/البنك
او عند سداد المستخلص الجمركى
من ح/الاعتماد المستندى….م.تخليص جمركى
الى ح/الحسابات المدينه او الدائنه…المستخلص
و بذلك يكون تم تعلية تكلفة الإعتماد المستندي بكافة المصاريف بما فيها قيمة الإعتماد ذاته
ويفصل ضريبه المبيعات وضريبه الارباح التجاريه والصناعيه فى القيد ليكون القيد كالاتى
من مذكورين
ح/المشتريات المستورده
ح/ض.المبيعات ….اذا كانت مسترده
ح/ض.ارباح تجاريه وصناعيه
الى ح/الاعتماد المستندى….يتم اقفاله بهذا القيد بعد دخول المشتريات المخزن وتحميل كل
المصاريف على الاعتماد
********************************************************
انواع المصروفات التى تستخدم فى مجال العمل ؟؟؟
==============================
==========================
1- مصروفات إنتاج / تشغيل
وهى المصروفات التى يتم إنفاقها على قسم الإنتاج / التشغيل بالمنشأة ومثال ذلك
مصروفات ومستلزمات صيانة الآلات والمعدات
مرتبات العاملين والمشرفين بأقسام الإنتاج
كهرباء للتشغبل ( فى حالة امكانية تحديد قيمة استهلاك الكهرباء داخل أقسام الإنتاج بوجود عدادات مستقلة لهذه الأقسام )
مواد ومهمات التشغيل
إيجار المصنع
قطع الغيار
وغيرها من المصروفات التى تخص أقسام الإنتاج والتشغيل
2- مصروفات بيع وتسويق
وتتمثل فى المصروفات التى يتم إنفاقها على بيع المنتج والتى تتمثل فى :
· مصروفات حملات الدعاية والإعلان
· مرتبات أقسام البيع
· عمولات البيع
· مواد التعبئة والتغلبف
· إيجار المخازن والمعارض
· كهرباء المخازن والمعارض
· صيانة المخازن والمعارض
وغيرها من المصروفات التى تتعلق بعملية بيع المنت
3- مصروفات عمومية وإدارية
وتتمثل فى جميع المصروفات التى ترتبط بالإدارة مثل:-
· مرتبات المدير العام
· مرتبات المحاسبين والسكرتارية والأمن
· إيجار المقر الرئيسى للإدارة
· كهربة مبانى الإدارة
· الأدوات الكتابية والمياه
· صيانة مبانى الإدارة
· مصروفات الضيافة والاستقبال
· مستلزمات كمبيوتر لاستخدامات الإدارة
· صيانة الأثاثات والأجهزة المستخدمة بأقسام الإدارة ( مكاتب ، أجهزة كمبيوتر ، ماكينات تصوير ، طابعات ، تكييفات ، مراوح ، ثلاجات ، ..إلخ )
وغيرها من المصروفات التى تتسم بالعمومية ولا ترتبط بصورة مباشرة بأحد الأقسام الأخرى
4- مصروفات تمويل
وتتمثل التكلفة التى تتحملها المنشأة فى سبيل توفير التمويل اللازم لمباشرة النشاط مثل فوائد القروض وفوائد الحسابات الجارية للشركاء .
ملحوظة “تفيد هذه التقسيمة للمصروفات بالذات وانت تقوم بعمل شجرة الحسابات للبرامج”
ملاحظة هامة
* المصروفات المشتركة من الممكن تحميلها على حساب المصروفات العمومية
ومن الممكن أن يتم تحميلها على القسم الأكثر استخداما ( طبقا للمنفعة النسبية لكل قسم من هذا المصروف ) فمثلا فى حالة إذا كان بند الكهرباء لا يوجد إلا عداد واحد بالمنشأة ومن ثم يصعب تحديد نصيب كل قسم من استهلاك الكهرباء
فى هذه الحالة من الممكن أن يتم تحميل استهلاك الكهرباء ضمن المصروفات الإدارية
ومن الممكن تحميله على الحساب الأكثر انتفاعا من استخدام الكهرباء
ففى حالة كون المنشأة تستخدم معدات تعتمد على الكهرباء فى التشعيل فإنه فى هذه الحالة يكون من الواضح أن قسم الإنتاج هو الأكثر استفادة ومن ثم تحمل على مصروفات الإنتاج
أما فى حالة كون المنشأة تجارية وتقوم باستخدام معارض لتوزيع وبيع المنتجات وتستخدم وسائل إنارة مميزة لإظهار المنتج بصورة تجذب المشترى ، ففى هذه الحالة يكون قسم البيع والتسويق الأكثر استفادة من استهلاك الكهرباء وبالتالى تحمل على حساب مصروفات البيع والتسويق.
*********************************************************
ما المقصود بالتأجير التمويلى ؟
مفهوم التأجير التمويلى
تعد عمليات التاجير التمويلى احد اساليب التمويل التى يطلق عليها فى الفكر المحاسبى المعاصر التمويل من خارج الميزانية حيث تحصل المنشأة على الاصول الانتاجية واستخدامها فى نشاطها الانتاجى او الحصول على حق استخدام براءة اختراع او رخصة التنقيب عن البترول والمعادن وتظهر هذه الوسيلة فى كثير من شركانت الطيران او تأجير المبانى فى سلسلة توزيع المنتجات
ومن الناحية القانونية لا يمثل الاصل المؤجر احد ممتلكات الشركة المستأجرة لان حق الملكية لم ينتقل من المؤجر الى المستأجر لمجرد وجود واقعة الايراد
ومن الناحية الاقتصادية فى ضوء القاعدة المحاسبية الجوهر قبل الشكل ينظر الى الاصول المقتناه بعقود ايجار طويل الاجل تمكن الشركة المستاجرة من استخدام الاصل خلال معظم حياته الانتاجية ومن ثم لافرق بين الايجار او الشراء من ناحية حق الاستخدام
ومن الناحية المحاسبية تقضى الاصول المحاسبية العامة بانه اذا ترتب على شروط عقد التأجير تمتع المستأجر بالحقوق وتحمل المخاطر الملازمة لامتلاك الاصل وجب معاملة هذا الاصل على انه مشترى وليس مجرد اصل مؤجر
واذا لم يستوفى شرط التمتع بالحقوق والمخاطر فيعامل على انه تأجير تشغيلى
تتكون عقود التأجير من ثلاثة انواع اساسية
اولا- عقد تأجير تشغيلى
ثانيا- عقد تأجير رأسمالى تمويلى
ثالثا – عقد تأجير رأسمالى بيعى
مميزات العقود التشغيلية
–
يسمى العقد بين المستاجر والمؤجر عقد تشغيلى
–
يؤثر محاسبيا على العمليات الجارية فقط
–
الشركة المستأجرة تعالج الايجار الدورى وتكاليف الوقود والصيانة مصروفات جارية تحمل على قائمة الدخل للسنة المالية التى دفعت فيها
–
يتم معالجة الالتزامات المستقبلية الباقية فى حياه العقد بالافصاح عنها فى الايضاحات المتممة للقوائم المالية
–
الشركة المؤجرة تعالج الايجار الدورى ايرادات جارية فى السنة التى تحقق فيها
–
تحتفظ بالاصل المؤجر ضمن ممتلكاتها وتقوم باهلاكه
مميزات العقود الرأسمالية
–
ينظر الى عقد الايجار على انه شراء اصل دفع ثمنه على اقساط فى صورة ايجار
–
يعد العقد بيع من وجهة نظر المؤجر وشراء اصل من وجهة نظر المستأجر
–
تكلفة الاصل محاسبيا تعادل القيمة الحالية للايجارات الدورية خلال حياه العقد
–
ايضا تقيد نفس القمية كالتزام طويل الاجل
–
الشركة المستأجرة تقوم باهلاك الاصل خلال مدة العقد او العمر الانتاجى ايهما اقل
–
تسجل الشركة فوائد مدينة على رصيد الالتزامات طويلة الاجل كل عام
–
القسط الدورى يشمل فائدة مدينة مستحقة بالاضافة الى سداد جزء من الالتزامات
نطاق المعيار
1-
يطبق هذا المعيار عن عقود التأجير التمويلى على العقود التى تبرم وفقاً لأحكام قانون التأجير التمويلى رقم 95 لسنة 1995 ولائحته التنفيذية.
2-
يلتزم بما ورد فى هذا المعيار كل من كان طرفا فى عقد التأجير التمويلى المسجل فى السجل المعد لذلك بالجهة الإدارية المختصة ( مصلحة الشركات) و كانت شروط العقد تعطى للمستأجر الحق فى شراء المال المؤجر فى التاريخ و بالمبلغ المحدد فى العقد و كانت مدة العقد تمثل 75% على الأقل من العمر الإنتاجي الأصلى للمال المؤجر أو كانت القيمة الحالية لإجمالي القيمة التعاقدية عند نشأة العقد تمثل 90% على الأقل من قيمة المال المؤجر
.
3-
لا يغطى هذا المعيار أنواع عقود التأجير التالية :
(أ)
عقود تأجير سيارات الركوب والدراجات الآلية.
(ب)
اتفاقيات التأجير الخاصة بالكشف عن أو استخدام الموارد الطبيعية مثل البترول و الغاز والغابات والمعادن و حقوق التعدين الأخرى.
(ج)
الاتفاقيات التى يلتزم فيها المستأجر بشراء المال المؤجر فى نهاية مدة التأجير ( والذى يعتبر بيعاً مؤجلاً بالتقسيط)
(د)
عقود التأجير التى لا تتعلق بمال لازم لمباشرة نشاط إنتاجى خدمى أو سلعى للمستأجر .
التعريفات المستخدمة فى المعيار
4-
تستخدم المصطلحات التالية فى هذا المعيار بالمعنى المذكور قرين كل منها
القيمة الإيجارية : هى القيمة المتفق عليها فى العقد ، والتى يلتزم المستأجر بأدائها إلى المؤجر مقابل الحق فى إستخدام الأصل المؤجر تأجيراً تمويلياً.
ثمن الشراء : هو الثمن المحدد فى العقد لإنتقال ملكية الأصل إلى المستأجر فى نهاية مدة التأجير.
إجمالى القيمة التعاقدية : هو إجمالى القيمة الإيجارية مضافاً إليها ثمن الشراء .
معدل العائد الناتج من العقد الإيجارى : هو معدل الفائدة الذى يستخدمه المؤجر لحساب القيمة الإيجارية و ثمن الشراء وهو الذى يجعل القيمة الحالية لإجمالى القيمة التعاقدية تساوى قيمة المال المؤجر عند بدء سريان العقد .
المعالجة المحاسبية فى القوائم المالية للمؤجر
5-
يدرج المال المؤجر كأصول ثابتة مؤجرة بدفاتر المؤجر بالتكلفة الدفترية لاقتنائه و يتم إجراء الإهلاكات على تلك الأصول وفقاً لعمرها الإنتاجى المقدر حسبما جرى عليه العمل عادة وفقاً للعرف و طبيعة المال الذى يجرى إهلاكه.
6-
تسجل إيرادات عقود التأجير التمويلى على أساس معدل العائد الناتج من عقد الإيجار مضافاً إليه مبلغاً يعادل قسط الإهلاك الدورى و يجنب الفرق بالزيادة أو بالنقص حسب الأحوال بين الإيراد المثبت بهذه الطريقة و القيمة الإيجارية المستحقة عن نفس الفترة المحاسبية فى حساب مستقل مدين أو دائن يتم تسوية رصيده مع صافى القيمة الدفترية للمال المؤجر عن إنتهاء العقد .
7-
يتم تحميل قائمة الدخل للمؤجر بتكلفة الصيانة و التأمين و كافة المصروفات اللازمة للحفاظ على الأصل إلا إذا تم التعاقد على أن يتحملها المستأجر.
8-
إذا شك المؤجر فى تحصيل دفعات الإيجار ينبغى عليه تكوين المخصصات اللازمة لمواجهة الديون المشكوك فى تحصيلها .
التأجير من قبل المصنعين أو الموزعين
9-
إذا كان المؤجر هو المصنع أو الموزع للمال المؤجر ، تدرج أرباح أو خسائر البيع فى حساب النتيجة عن الفترة للمصنعين أو الموزعين وفقاً للسياسة المتبعة عادة فى البيع للغير .
الإفصاح فى القوائم المالية للمؤجر
10-
فى نهاية كل فترة مالية يجب الإفصاح فى القوائم المالية للمؤجر عما يلى :
(أ)
السياسات المحاسبية المتبعة للتعرف على إيرادات التأجير.
(ب)
سياسات الإهلاك المتبعة الخاصة بالأصول المؤجرة و نسبة الإهلاك المطبقة.
(ج) بيان بتكلفة الأصول المؤجرة و الحركة عليها و مجمع إهلاكها و الحركة عليه و أرصدتها فى نهاية الفترة.
(د) الأرباح و الخسائر الناجمة عن عمليات إنتقال ملكية الأصول المؤجرة إلى المستأجرين خلال الفترة المالية .
(هـ) أية مبالغ مدينة أو دائنة تنتج تطبيقاً للفقرة “6” من هذا المعيار .
المعالجة المحاسبية فى القوائم المالية للمستأجر
11-
تدرج القيمة الإيجارية المستحقة عن عقود التأجير التمويلى كمصروف فى قائمة الدخل الخاصة بالمستأجر خلال كل فترة مالية.
12-
يدرج ما يتكبده المستأجر من مصاريف صيانة و إصلاح الأموال المؤجرة – بما يتفق مع الأغراض التى أعدت لها و وفقاً للتعليمات التى يسلمه إليه المؤجر بشأن الأسس الفنية الواجب مراعاتها سواء كانت مقررة بواسطته أو بواسطة المورد أو المقاول – بقائمة الدخل الخاصة بالمستأجر خلال كل فترة مالية .
13-
إذا قام المستأجر فى نهاية العقد بإستخدام حق شراء المال المستأجر يثبت هذا المال كأصل ثابت بالقيمة المدفوعة لممارسة حق شراء المال والمتفق عليها طبقاً للعقد و يتم إهلاكه على مدار العمر الإنتاجى المتبقى المقدر له وفقاً للطرق و المعدلات التى يتبعها المستأجر للأصول المماثلة.
الإفصاح فى القوائم المالية للمستأجر
14- يجب أن يتم الإفصاح فى القوائم المالية للمستأجر عما يلى :
(أ)
بيان الأصول المستأجرة على أن يتضمن ما يلى :
–
إجمالى القيمة التعاقدية لكل أصل مع تحليلها إلى إجمالى القيمة الإيجارية
و ثمن الشراء .
–
العمر الإنتاجى للأصول المستأجرة.
–
القيمة الإيجارية السنوية.
(ب)
تفاصيل مصاريف صيانة و الإصلاح الأموال المؤجرة .
(ج) يجب تحليل التزامات الاستئجار التمويلى حسب تواريخ استحقاقها بحيث يتم إيضاح ما يستحق سداده خلال السنوات المالية الخمس التالية كل على حدة ، و إجمالي ما يستحق سداده خلال السنوات بعد السنة الخامسة .
(د) الإفصاح عن أية شروط مالية هامة
تستلزمها عقود الاستئجار مثل الالتزامات المحتملة عن تجديد تلك العقود أو استخدام حق اختيار شراء الأصل و دفعات الاستئجار الاحتمالية
البيع مع إعادة الاستئجار
15-
قد يقوم المؤجر بتأجير مال إلى مستأجر و يكون هذا المال قد آلت ملكيته إلى المؤجر من المستأجر بموجب عقد يتوقف نفاذه على إبرام عقد تأجير تمويلى و فى هذه الحالة يجب أن يقوم المستأجر كبائع بتأجيل أية أرباح أو خسائر تنتج عن الفرق بين ثمن البيع و صافى القيمة الدفترية للأصل فى دفاتره و يتم إستهلاك هذا الفرق على مدار مدة عقد التأجير .
16-
بعد عملية البيع وبدء سريان التأجير التمويلى يطبق المؤجر ما ورد فى الفقرات من “5” إلى “10” و يطبق المستأجر ما ورد بالفقرات من “11”