كتير مننا بيخلط ما بينهم بسبب ان هم الاتنين ليهم علاقة بالعنصر البشري
طيب هبدأ اعرف بشكل سريع الراجل بتاع الـHRD ده بيعمل ايه ؟
هو اللي بيساعد الناس او الموظفين انهم يطوروا مهاراتهم الشخصية و التركيز على الذات و بناء الشخصية و تحفيزهم و بيساعدهم في إدارة الوقت و بيكون مصدر حماس ليهم و بيركز اوي على السلوكيات الخاصة بالبشر لان تنمية الموارد البشرية مرتبطة بعلم النفس و العلوم الانسانية.
طيب دلوقتي لما نلاقي حد بيتكلم في تنمية المهارات الشخصية مثلاً او إدارة الوقت و يقولنا انا HR نعرف علطول انه مش فاهم حاجة في المجال ده خالص لانه مش قادر يفرق بين مجال إدارة الموارد البشرية و التنمية البشرية يا جماعة ده حتي مش عارف المسمى الوظيفي لوظيفته .. يبقي نصاب .. و نقوله انت HD مش HR
ركزوا بقي معايا عشان هنا التقيل كله
اهمية إدارة الموارد البشرية في اي منظمة ايه ؟
باختصار هي إدارة استراتيجية بتحقق اهداف و رؤية المنظمة و الHR هو حلقة الوصل بين الموظفين و المنظمة كإدارة و كيان .. يعني هو اللي بيضمن حصول الموظفين على حقوقهم من الشركة و في نفس الوقت تنفيذ اهداف الشركة
طيب اصلاً الـHR في اي شركة المفروض بيعمل ايه !؟
او يعني وظائف الإدارة دي بشكل عام ؟
1- التخطيط
2- التوظيف
3- تحليل الوظائف
4- الاختيار و التعيين
5- المقابلات
6- المرتبات
7- التدريب
8- تقييم الاداء
9- المزايا و التعويضات
10- الاجور و المرتبات
طيب المسميات الوظيفية او انا لما اكون HR لما اترقى فى الشغل هبقى ايه
اول ما هتبدأ الشغل لما تتخرج هتكون HR Coordinator / HR Assistant
بيعمل ايه بقى ده
: بيشارك فى التخطيط واعداد البرامج التنفيذية لادارة الموارد البشرية وينفذها وبيسجل جميع قرارات التعيين والفصل والاستقالات والاجازات وبيعمل كشوف الترقيات والمرتبات ومسئول عن حفظ ملفات العاملين وبيكتب تقارير التقييم السنوية ومسئول عن متابعة الحضور والانصراف والغياب للموظفين .
وبعد كده HR Specialist
وده بيكون متخصص فى وظيفة او اكثر زى التدريب او التوظيف او التقييم وممكن الـHR Specialist يتسمى باسم التخصص او المهمة اللى بيعملها زى :
– Recruiter وده بيكون مسئول عن الاختيار والتعيين
– Training & Development وده بيكون مسئول عن التدريب وتطوير مهارات العاملين
– Compensation and Benefits Specialist وده مسئول عن المزايا والتعويضات
– HRIS Specialist وده مسئول عن النظام المستخدم فى ادارة الموارد البشرية زى الـ SAP,Oracal
وبعدين Senior HR Specialist وده بيبقى بنفس اختصاصات الـ HR Specialist بس بيكون معاه صلاحيات اكتر لانه بيكون المدير المباشر ليهم
وبعد كده هتكون HR Supervisor وده مشرف موارد بشرية
هو اللى بيشرف على الـ Orientation و الـ applicant interviews و الـ Retirement Workshop والتواصل مع الادارات الاخرى بغرض تقديم المعلومات والمساعدة وبينسق عملية التوظيف وهو اللى بيقيم البرامج التدريبية
وبعد كده هتبقى HR Assistant Manager وده بقى مساعد مدير الـHR
ما شاء الله
ربنا هينفخ فى صورتك ????
وهتكون HR Manager وده مسئول عن عمل الوصف الوظيفى لكل الوظائف وبيتابع تقييم الاداء وبيعمل ميزانية الاجور وبيختار المقبولين فى الوظائف وبيتابع التطورات فى سوق العمل وبيشرف على برامج التدريب للموظفيين وهو المسئول عن كل الوظائف بقى بتاعه الاتش ار
و اللهم ما لاحسد هتترقى بعد كده وتبقى Senior HR Manager وده كبير مديرين الـHR
وبمجهودك وشطارتك هتبقى بإذن الله HR Director وده مدير ادارة الموارد البشرية
وبيشرف على HR اللى شغالين فى ادارة الموارد البشرية فى الشركة وبيقدم التوصيات لباقى الادارات وبيقييم وبيشارك فى تنمية مهارات الموظفيين
وهتوصل بقى لـ Vice President وده نائب رئيس الشركة
وده بقى ايه بيحضر اجتماعات مجلس الادارة
وبيشرف على كل اللى انا اتكلمت عليهم دلوقتى عشان يضمن تطبيق سياسات الشركة وهو اللى بيشرف على وضع الميزانية