يتم جرد بضاعة اخر المدة بالمخازن وتحديد تكلفتها وفقا لطريقة التسعير المتبعة ويتم مقارنة التكلفة بالقيمة الاستردادية للبضاعة(سعر السوق مطروحا منه اي تكلفة متعلقة بالبيع).
ويفضل ان تكون المقارنة لكل صنف او مجموعة متجانسة حيث تختلف النتائج في الحالتين وعند مقارنة القيمتين ببعضهما فهناك احتمالات ثلاث :
تناولنا فى موضوعات منفصلة ” مطلوب محاسب للعمل بالرياض – تحميل نموذج مسير رواتب “
الاحتمال الاول ان تتساوي التكلفة مع القيمة الاستردادية.
ولا توجد مشاكل في هذه الحالة حيث يتم اجراء قيد بقيمة البضاعة نهاية العام وهو من بضاعة اخر المدة (في حالة الجرد الدوري) الي المتاجرة (او ملخص الدخل) .
– الاحتمال الثاني ان تكون القيمة الاستردادية اكبر من التكلفة
وهنا لن نلتفت للفرق لانه ربح لم يتحقق. .ووفقا لمبدا الحيطة والحذر فاننا لاناخذ اي ارباح محتملة في الاعتبار ولكن ناخذ اي خسائر محتملة في الاعتبار .
وبالتالي فانه في هذه الحالة سنسجل البضاعة بتكلفتها فقط بنفس القيد السابق .
-الاحتمال الثالث ان تكون التكلفة اكبر من القيمة الاستردادية
وهذا يعني وجود خسائر لم تتحقق لاننا لم نبيع البضاعة بعد.. ولكن يجب اخذ هذه الخسائر في الاعتبار وفقا للحيطة والحذر .
بالبلدي كده هنحمل قايمة الدخل بالخسارة وكانها مصروف.ولان الخسارة لم تتحقق فعلا فسنجنب مبلغها لدينا في حساب مخصص هبوط اسعار بضاعة عشان يعوضني عن الخسارة لو حصلت فعلا وبعت بسعر اقل من التكلفة.
الكلام ده لو انا بعمل الموضوع لاول مرة…لكن لو حبيت اعمله السنه التالية الوضع هيختلف ليه؟
لان عندي مخصص قديم لم استخدمه وعاوز اعمل مخصص جديد يبقي اعمل ايه؟ هعالج الفرق بين المخصصين ان وجد.
ازاي نشوف الحالتين عملي:
لو هعمل المخصص اول مرة يعني لو فرضنا ان البضاعة او المخزون تكلفته 100000 وقيمته الاستردادية 90000 يبقي عندي خسارة لم تتحقق قدرها 10000.
ابص علي ارصدتي القديمة فلم اجد مخصص هبوط اسعار بضاعة يبقي كده هكونه لاول مره بالقيد 10000 من قائمة الدخل 10000 الي مخصص هبوط اسعار البضاعة.
يترتب علي هذا القيد ظهور الفرق كمصروف في قايمة الدخل وظهور المخصص مطروحا (شكلا في الميزانية) من قيمة البضاعةاو المخزون.
طيب لو لقيت الفرق 10000 كما في المثال ولقيت مخصص معمول من السنه اللي فاتت ولم استخدمه قدره 8000 يبقي انا محتاج ازود المخصص 2000 وهو ده اللي احمله لقايمة الدخل السنادي .
بالقيد 2000 من ملخص الدخل 2000 الي مخصص هبوط اسعار البضاعة…ويترتب علي هذا القيد تحميل قايمة الدخل بمبلغ 2000 فقط كمصروف وترحيل نفس المبلغ للمخصص اللي كان 8000 ليصبح 10000 ويظهر في الميزانية قيمة البضاعة مطروحا منها 10000 مخصص.
* طيب لو لقيت الفرق 10000 كما في المثال ولقيت المخصص القديم 13000 معني ذلك ان المخصص القديم يكفي وزيادة (وده معناه ان سعر السوق اترفع ) يبقي هحتفظ بمبلغ 10000 فقط من ال 13000 والفرق اعتبره ايراد واعمله القيد 3000 من المخصص 3000 الي ملخص الدخل.
ويترتب علي هذا القيد ظهور 3000 كايراد بقايمة الدخل وترحيل نفس المبلغ للمخصص بجانب منه فينخفض من 13000 الي 10000 ويظهر في الميزانية قيمة البضاعة مطروحا منها 10000 كمخصص.
اعتقد والله اعلم مفيش اسهل من كده كشرح ومع ذلك لو فيه استفسارات راجعنا علي صفحتنا محاسبين ومحاسبه وهنرد علي كل الاستفسارات ان شاء الله..
