spot_img

ذات صلة

جمع

البترول: مجموعة كارلايل تعتزم إنشاء شركة لعمليات الاستكشاف في البحر المتوسط

استقبل المهندس طارق الملا، وزير البترول والثروة المعدنية، جيمس...

مباحث الضرائب: ضبط 427 قضية خلال 24 ساعة

وجهت أجهزة وزارة الداخلية، حملات أمنية مكبرة، على مستوى...

زيادة فى الضرائب الجمركية بموازنة 24/25 تصل لـ 99.2 مليار جنيه

تشهد تقديرات الضرائب الجمركية بالموازنة العامة للدولة للسنة المالية...

26 يونيو 2024.. أسعار الخضروات والفاكهة بسوق العبور للجملة اليوم

استقرت أسعار الخضراوات والفاكهة بسوق العبور للجملة، فى بداية...

خمس عادات للأشخاص الأكتر نجاحا في العالم

1. التقرب من الناس : لما تدخل مكان أول مره تدخله , متكتفيش إنك تسلم على واحد وتبتسم للباقى , الأشخاص الأكثر إحتراماً بيسلموا
على كل الناس الموجودين فى المكان وبيبصوا فى عينيهم مباشرة , جرب فى المرة الجاية اللى تدخل فيها مكان جديد تسلم على الناس كلهم
يداً بيد وتبص فى عين كل واحد فيهم وتديله أهمية كبيرة …
 
2. خليك فى الخلفية : الأشخاص الأكثر نجاحاً هما الأشخاص اللى بيشتغلوا فى الخلفية , مبيدوروش على الشهرة أو الضوء عشان الناس

تعرفهم , وده لانهم مقتنعين إنهم بيساهموا فى تغيير حياة الناس اللى حواليهم حتى لو مجهودهم ده مش مُلاحظ , المتعة اللى بيحسوا بيها
هى فى الشغل نفسه , هما دول الناس اللى بيدخلوا يناموا بالليل وفى ابتسامة على وشهم مقتنعين انهم بيعملوا اللى عليهم … تخلى عن
مبدئ Fifteen minutes of fame
 
3. قدر أى نجاح : خد وقتك دائماً فى كتابة رسالة شكر أو تقدير لشخص قدر يحقق شئ كويس أو أفادك بحاجة معينة , الأشخاص الأكثر
نجاحاً دائماً بيقدروا مجهود اللى حواليهم كويس أوى , حتى لو مجهودهم هما محدش بيقدروا بيحرصوا إن مجهود الأخرين لازم يتقدر ,
وبيبقوا عارفين إن كلمة شكر ممكن تخلى شخص يبدئ يومه بإبتسامة , مفيش أسهل من إنك تشكر أى شخص بيعمل حاجة كويسة …
 
4. شارك من غير ماتفكر : المشاركة إهتمام  Sharing is caring … هى جملة حقيقية , الناس الناجحة عقليتها بتبقى قائمة على
مفهوم المشاركة ” بكرم ” , الناس دى بتعرف إنها هتلاقى متعتها وسعادتها فى مشاركة الناس بمعلومة أو نصيحة , وبتبقى متأكدة إن ده
هيتردلها ” عاجلاً أو أجلاً ” الحياة الحقيقة هى ” رايح … جاى ” مش طريق واحد … متبخلش على حد بحاجة
 
 
5. طموحك يتخطاك : الناس اللى بتنجح عندهم هدف فى حياتهم أكبر من نفسهم , بيدوروا على مفهوم الربح المشترك … win win …
إنهم يكسبوا والناس اللى حواليهم تكسب , بيدوروا على الإنتصار ولكن الإنتصار المشترك , بيسعوا جاهدين إنهم يغيروا حياتهم عشان
يقدروا يغيروا حياة الناس , حدد أهداف واضحة وإسعى وراها ودائماً إشرك الناس اللى حواليك فيها , عرفهم بتفكر فى إيه وخليهم
يشاركوك نجاحك , ساعتها فعلاً هتبقى حققت هدفك …

spot_imgspot_img