هنتكلم النهارده عن قوة الاعتقاد او بمعني ادق و اشمل قوة الايمان ?
ليه دايما بتلاقي ان اللي مؤمن انه هينجح و يوصل لهدفه بيوصل و ينجح ؟
ليه اللي مؤمن و معتقد ان مهما عمل مش هيوصل و بتلاقيه برده مش بيوصل !
ليه في ناس بتاخد علاج و مش بينفع معاها و تانيه مجرد انها تروح لدكتور معين بتحس ان تعبها راح !
كل ده بسبب سر جميل جدا ’ السر ده لو عرفته و انتبهت ليه كويس هتعرف اي شئ بيحصلك ف حياتك ,
ساعتها بس هتعرف انك والله السبب و في كل اللي بيحصلك من ايجابيات او سلبيات ?
معلومه في منتهي الخطورة و خدها قاعده ف حياتك ( اللي مؤمن بحاجه هتحصل )
(اللي بيظن بربنا حاجه هتحصله )
و ده طبقا للحديث ( انا عند ظن عبدي بي فليظن بي ما شاء )
اللي هيظن ان ربنا يريد له اليسر و مسخر له الكون كله علشانه ربنا هيحقق له ظنه , و اللي مؤمن ان الحياة صعبه هيلاقيها اصعب مما يتخيل
كل واحد مؤمن بحاجه ربنا هينصره في ايمانه بصرف النظر هي ايه
( و كان حقا علينا نصر المؤمنين )
اللي مؤمن ان ربنا هينصره فربنا هينصره في ايمانه ده و هينتصر ?
اللي مؤمن ان ربنا هيكرمه و يرزقه ربنا هيكرمه و برزقه
الفكرة كلها انت مؤمن ب ايه , مؤمن بمين ؟!
راجع قناعاتك و افكارك
لو افترضنا ان في جيشنا بيحاربوا بعض الجيش (ا) مؤمن ان اسلحته قوية و ربنا هينصره و الجيش (ب) عنده ايمان تام ان اسلحته فاسدة و لن ينتصر
هنا اللي هينتصر في المعركه الجيش (ا) لان كان مؤمن بالنصر فكان حق علي ربنا ان ينصره في المعركه .
اللي بياكل كتير علي سبيل المثال و عنده اعتقاد انه مهما اكل وزنه مش هيزيد فاعرف انه عمره ما هيزيد
اللي معتقد ان الحياة دار مشقة و ابتلاء و لازم تتعب للحصول علي اي شئ سيجدها متعبه شاقه لن يحصل علي اي شئ بيسر و سهولة
راقب اللي بيحصل في حياتك بهدوء هتلاقيه اللي مقتنع و مؤمن بيه تماما هو اللي بيحصلك