فـ يوم زعلت مع شخص غالى عليا وسبته يهدى شوية
سألنى بلوم هُنت عليك تسبنى زعلان ؟؟
رديت عليه وقولتله إنى قصدت أسيبك لما تهدى شوية ونبقى نتكلم ..!!
فـ رد بجملة عمرى ما هنساها ..!!
” قالى لو خايف على البيت النار تأكله لازم تطفيها 🚿 وهى مولعة ♨ ، ماتسيبهاش تهدى لوحدها ، لو هديت لوحدها هتكون خلاص أكلت كل حاجه ”
العبرة :
إن نار الغضب والخذلان لما بيطفيها الوقت والتعود ، بتأكل كل المواقف الحلوة والذكريات الجميلة ، وهى جزء من العلاقات مابيرجعش تانى أبدا
فـ الأوان هو كلمة السر فـ أى علاقة
عشان كده قالوا كل شئ بـ أوان ، وقالوا كمان فات الأوان ..!!
الأوان :
هو الوقت الدهبى لـ كل حاجة و الفكرة كلها إنك تعرف إمتى الأوان ده بالظبط ..👌
الخلاصة :
ماتجووش متأخرين بعد الحبال ما تدوووب يا نكون قد العلاقات اللى بندخلها يا بلاش ندخلها أصلا سواء
” صداقة ، حب ، إخوه ، إرتباط ، قرابة ، زواج ” ٱياا كان هتسموها إيه قدروا المكانة اللى الناس بتحطكم فيها وبلاش تأخروا ..
” رد ولا عتاب ، ولا شكر ، ولا مصالحة ، ولا إحتواء ، ولا حنية أو حتى تطييب خاطر ، ولا مصارحة سواء بمشاعر إيجابية أو سلبية ”
بلاش نحس بقيمة اللى فـ إيدنا بعد ما يضيع منها
كلام قرأته ، حبيته ، فـ نقلته لكم ..!