خليك سلبي شوية و بطل إيجابية على عكس الخطاب السائد بتاع التنمية البشرية إنك لازم تفضل إيجابي طول الوقت،
أعصرك تطلع إيجابيات صغيرة كدة مفيش احباط من تحت الباط ولا حياة مع اليأس والكلام دة ففي جانب سلبي
جدًا للموضوع دة في مصطلح دلوقتي اسمه toxic positivity أو الإيجابية السامة
ودة معناه ان المجتمع اللي احنا عايشين فيه بيفرض عليك إنك تظهر الإيجابية فقط (positive vibes only) وتبعد عن السلبية
تمامًا والناس السلبيين، فلما تحس بمشاعر سلبية كشئ طبيعي من الحياه، هتبدأ تحاول تكبتها أو تتجاهلها
أو تتهم نفسك بالسلبية و الضعف ودة كله بيأثر على صحتك النفسية
نفسيتك محتاجة قدر من الإيجابية لكن محتاجة قدر من التنفيس من خلال المشاعر السلبية زى الحزن والإحباط وغيره
لازم تدي لنفسك فرصة تحس بكدة و متحكمش على نفسك في الأوقات دي انك ضعيف او سلبي، و تحاول بعد ما تدي نفسك
مساحتها إنك تعمل الحاجات اللى تطلعك من المود دة، لكن متحكمش على مشاعرك ونفسك بالضعف، إنت مش ضعيف إنت إنسان طبيعي .
د /محمد إبراهيم
