معالجة الخسائر للاصول الثابتة التى تهلك باساس الاهلاك ضريبيا
تعالوا الاول نعرف يعنى اية اساس الاهلاك
اساس الاهلاك يستخدم عند احتساب الاهلاك الضريبى للحاسبات الالية وبرامجها تهلك بنسبة 50% من اساس الاهلاك وكمان باقى الاصول الثابتة تهلك 25% فيما عدا المبانى والمنشات والطرق والكبارى والسفن والطائرات التى تهلك ضريبيا قسط ثابت 5% وكذلك الاصول المعنوية التى تهلك قسط ثابت 10%
نرجع لاساس الاهلاك
للتوصل الى اساس اهلاك الاصول الثابته
فلنفترض احدى الشركات الجديدة قامت بشراء حاسبات الية فى بداية نشاطها بمبلغ 200 الف ج
وبعد استخدام تلك الحاسبات تبين للشركة ان بعض الحاسبات الالية بها بعض العيوب فقامت ببيعها خلال السنة بمبلغ 50000ج
وللمعلومية الشركة كانت قامت بالتامين على تلك الحاسبات الالية وعند تشغيل الحاسبات الالية احترق جزء منها فحصلت الشركة على تعويض من شركة التامين بمبلغ 50000ج واذا نظرنا الى الحاسبات الالية المتبقية بالمنشأة نجدها 200000-(50000+50000)=100000ج وهذا مايطلق علية اساس الاهلاك
يعنى الشراء -(التعويض+ البيع ) طيب خليك معايا معدل الاهلاك الضريبى للحاسبات الالية 50% يبقى الاهلاك =50000ج وباقى كام 50000ج يعتبروا اساس الاهلاك اول المدة العام القادم زود عليهم المشتريات واخصم منهم البيع والتعويض هيبقى عندك اساس الاهلاك العام الجديد
وزى ماانت شايف احنا طرحنا قيمة البيع بالكامل بمعنى لو فى خسارة فى البيع موش هتاثر معانا لان المبلغ الباقى هيهلك زى ماهو (بصراحة انا موش فاهمك استاذ احمد )
طيب مافيش مشكلة
الحاسبات الالية المشتراة 200000ج وماتم بيعة من تلك الحاسبات يعادل 75000ج ولكن تم بيعة 50000ج والتعويض 50000ج ولكن الحاسبات التى احترقت 75000ج
تعال نشوف هنحسب اساس الاهلاك هنا ازاى
لاعلاقة لنا بالقيم الدفترية بتاعت البيع او التعويض كل مايهمنا هو المتحصلات النقدية
يعنى 200000-(50000بيع+50000تعويض)=100000 اساس الاهلاك اضربهم *50%=50000ج الاهلاك
الخلاصة مافيش خسارة رأسمالية ضريبية هتظهر معانا للاصول الثابتة التى تهلك بأساس الاهلاك
