3 حقائق عن اهمية الشهادات فى سوق العمل وعلاقتها بنجاح ال Career الشخصى ؟!!
– من اكتر الحاجات اللى كنا بنفكر فيها واحنا طلبة او اول ما اتخرجنا من الجامعة هى الشهادات اللى محتاجين نجمعها عشان نقدر نشتغل اول ما نتخرج !!!!!
وكانت بتقابلنا 3 مشاكل فى موضوع الشهادات ده:
1- الشهادات دى غالية ومكلفة جدااا ومش قادرين ندفع فلوسها !!!
2- مش متأكدين فعلا ان الشهادات دى هى اللى هتضمن لينا وظيفة بعد ما نخدها !!!!
3- هل الشهادات دى معتمدة من جهات كبيرة وهتعترف بيها الشركات اللى هنقدم فيها؟
وكنا بنصرف نظرنا على اهم حاجة:
هل هنتعلم ونستفيد بالشهادة دى ولا لآ
3 حقائق عن اهمية الشهادات فى سوق العمل واهميتها لنجاح مستقبلك المهنى:
1- الشغل مش بالشهادات !!!!
– مفيش صاحب عمل او شركة هتعينك عشان انت معاك شهادة فقط والمعيار الاهم هو هل انت فاهم فى مجالك ولا لآ سواء اتعلمت ده من شهادة, كورس, منحة, او حتى ذاكرته مع نفسك .
– واكبر دليل فى اى Interview لما بييجى ال HR يختبر مستوى اللغة الانجليزية عندك بيطلب منك تتكلم معاه انجليزى وعمره ما بيسألك انت وصلت للمستوى الكام فى الكورس او خدت الكورس فين ولكن العبرة انت فاهم ولا لآ وقيس كده على الباقى .
“فحاول تركز اكتر على انك تتعلم وتفهم مجالك اكتر ما تجرى ورا شهادة”
2- الشهادات لا تعكس تميزك !!!
– كل واحد فينا فى مجاله بيفكر ياخد اكبر شهادة فى المجال ده وشايف ان هى دى اللى هتخليه يتميز عن اى حد تانى فى مجاله !!
– بس تفتكر فى كام واحد فى مجالك معاه نفس الشهادة دى؟!!! وكام واحد فيهم فاهم فعلا !!
– وكام واحد بيفكر ياخدها لسة !! وبكده الشهادة مش هتميزك فى حاجة انما اللى هيميزك بجد, انت عملت ايه بالشهادة دى او طبقت العلم ده ازاى وايه الانجازات اللى حققتها فى مجالك,
– “حاول تهتم انك تطبق كل حاجة بتتعلمها وتتكلم اكتر عن الانجازات اللى عملتها اكتر ما تتكلم على الشهادات اللى انت اخدتها”
3- الشهادات غالية ومكلفة جداااا وخصوصا وانت فى بداية ال Career بتاعك !!!
– لو فاكر انك عشان معكش فلوس مش هتقدر تتعلم وعمرك ما هتتطور فى مجالك وتلاقى شغل كويس !!!