– نام كويس جدا عشان تقوم فايق ونشيط .
2 – إظبط منبهك على قبل الفجر بنص ساعة , ولما تقوم صلى ركعتين قيام وركعة وتر .. سهلة .. واقعد اذكر ربنا واستغفر لحد آذان الفجر .
3 – انزل صلى الفجر فى المسجد واختار مسجد انت بتحبه وبترتاح فيه …
, وحتى لو بعيد .. مش مشكلة .. بس المهم انك تكون مرتاح , ولما تروح تصلى حاول تخشع بقدر الإمكان .
4 – وانت راجع من الصلاة هاتلاقى نفسك حاسس براحة نفسية وجسدية رهيييييبة … حاول بقى تردد أذكار الصباح .. مفيدة جدا وهاتخلي يومك سعيد .
5 – بعد كدا لو انت فى كلية أو بتدرس أى حاجة , أو حتى فى مدرسة .. اقعد ذاكر الوقت دا من أحسن أوقات المذاكرة والعمل والدنيا بتكون هادية فيه .. وكمان النبى عليه الصلاة وسلم دعالنا فى الوقت دا وقال ” اللهم بارك لأمتى فى بكورها ” ..
6 – خلى أول واحد تشوفه فى البيت .. مراتك أو إبنك أو حتى أخوك يبتسم لأنك قولتله كلمة حلوة وابتسمت فى وشه .. الإبتسامة صدقة
7 – إفطر كويس جدا , لأن معظم طاقتك اللى هاتستهلكها فى يومك من اللى انت أكلته فى الفطار . ومعاه كوباية قهوة سخنة وشيكولاتة
8 – ساعد أول واحد تشوفه محتاج لمساعدتك ولو حتى متعرفوش , ويكون لوجه الله ^^ ” إنما نطعمكم لوجه الله لا نريد منكم جزائًا ولا شكورًا ”
.
9 – لو هاتخرج إلبس أكتر حاجة بتحب تلبسها وظبط نفسك كدا :d ” إن الله جميل يحب الجمال ” … ملحوظة : دى للذكور فقط :
d
10 – مارس هواية بتحبها كل يوم ولو لدقايق حتى ( القراءة , الرسم , اللعب , …. ) .
11 – مارس الرياضة كل يوم بإنك تلعب تمارين خفيفة مثلًا أو تنزل تتمشى الصبح كدا والدنيا فاضية والناس لسه نايمة , ودا لنص ساعة كل يوم .
12 – خلى عندك عادة إنك تبطل عادة تانية , زى انك مثلا بتتعصب لأتفه الأسباب … فخلى عندك عادة إنك تمسك أعصابك ^_^ .
13 – ( لا تغضب ) ( كن متفائلًا ) ( كن طموحًا ) ( كن قنوعًا ) ( إرض بما أنت فيه ) .
14 – إتصل بواحد مكلمتوش بقالك كتير وقوله ” وحشتنى ” ^^
15 – وانت ماشى فى الشارع سلم على أى حد تشوفه حتى لو متعرفوش ” أفشوا السلام بينكم ”
..
16 – تصدّق كل يوم ولو بنص جنيه ” أحب الأعمال إلى الله أدومها وإن قلت
” .
17 – لو عندك مشاكل وهموم , اقعد مع واحد صاحبك تثق فيه وفى آرائه وإحكيله كل حاجة … بكدة هاتحس إنك إرتاحت , أو ممكن تكتب المشكلة على ورقة قدامك وتكتب شوية أفكار تساعدك على حل المشكلة . ولو فيه حاجة مضايقاك متستاهلش إنك تتضايق عليها ,, كبر دماغك ” محدش واخد منها حاجة ” . ^^
18 – خليك مرن مع الناس , وتعامل معاهم بهدوء ورزانة …
19 – لما تحس بالتعب , خد نفس عميييييييييييق وطلعه تانى ..
20 – لو إنت فى الشغل وبدأت تحس بالإرهاق , رجع راسك لورا وغمض عنيك وإسترخى لدقائق , هتلاقى نشاطك بدأ يرجعلك تانى …
21 – داوم على ذكر الله طوال اليوم .. ” ألا بذكر الله تطمئن القلوب ” ..
22 – ومتنساش تصلى كل صلاة فى وقتها ويستحسن فى الجامع ” إن الصلاة كانت على المؤمنين كتابًا موقوتًا ” .. ^^^
23 – لو حد زعلان منك إتصل بيه وقوله ” أنا أسف ” وصالحه , الدنيا مش مستاهلة حاجة …
24 – لو انت زعلان من حد سامحه من كل قلبك ” والكاظمين الغيظ والعافين عن الناس ” .
25 – قبل ماتنام قول أذكار النوم ونام على وضوء ..
26 – خلى عندك ورد قرئانى ولو صفحة واحد فى اليوم , بس المهم متهملوش خالص .
27 – حاول تحفظ كل يوم 5 آيات من كتاب الله , كمان 3 سنين هتلاقى نفسك حفظت القرآن كله ^^^
28 – إستغل أوقات فراغك فى حاجة مفيدة .
29 – قبل ما تنام راجع يومك تانى و لو محستش بتغيير حاول تانى وتالت .
30 – إظبط منبهك وعيد بقى كل اللى اتفقنا عليه دا تانى أوكى ؟