اسمع يا سيدي #وصفة_السعادة ..
مبدئيًا إنت إنسان مُكرّم .. قدّر نفسك!
مش عيب إنك تمشي ورا إحساسك!
إيه رأيك تغير نظرتك للأمور اللي إنت مليت منها؟
وشغّل عقلك واسأل .. علشان تفهم!
ويا سلام لو تدور على الناس اللي بتحبها وبيحبوك وتحافظ عليهم!
واحلم .. وعيش لحلمك!
وعلى فكرة هتحس بقيمتك جدًا لو ساعدت غيرك!
واجه مخاوفك وحطّمها .. إنت شجاع!
وجميل أوي إنك تجرب حاجات جديدة عليك ..
وعلى فكرة ساعات التليفزيون مبيبقاش مفيد .. متضيعش وقتك!
وبلاش تشيل هموم الدنيا .. وسيبها على الله!
على فكرة .. النوم عبادة .. عشان تكمل سعيك!
اقرأ .. واتعلم باستمرار!
واوعى تقارن نفسك بحد .. كل واحد عنده الميزة الخاصة بيه!
وخلي كلامك مع نفسك مُشجع .. وبلاش سلبية!
وافتح بيبان عقلك لكل فكرة جديدة وبلاش جمود!
واوعى تركز على أفكار ترجعك لورا!
وهوصي نفسي وهوصيك .. ركز .. حقق هدفك ومتضيعش عمرك!
وابقى استمتع بنعم ربنا عشان تعرف تشكره من قلبك!
واتعلم إزاي تحب وتتحب .. أجمل حاجة الحب!
واكتب ليسته بنعم ربنا واشكره عليها واحدة واحدة ..
وأسعد شيء في الدنيا إنك تُصلح وتكون من عمار الأرض
.