الاهلاك هو النقص التدريجى فى قيمة الاصل الثابت نتيجة الاستخدام فعلى سبيل المثال لدينا اصل ثابت بمبلغ 100 الف ج يستهلك على خمس سنوات قسط ثابت فأن قيمة
الاهلاك هنا 20 الف ج سنويا ولكن دعنا نتطرق الى
الاضمحلال الاضمحلال ليس قاصرا على الاصول الثابتة فهناك اضمحلال ارصدة عملاء على سبيل المثال ويتم عمل اختبار الاضمحلال فى نهاية كل سنة والاضمحلال هو النقص فى القيمة الاستردادية للاصل عن قيمتة الدفترية يعنى اية الكلام ده خلى بالك معايا عندك عربية تكلفتها 10 الاف ج ومجمع اهلاكها 2000ج يبقى قيمتها الدفترية كام 8000ج طيب تعال نشوف القيمة الاستردادية لو قولت لك تبيع العربية دى ب5 الاف ج مبلغ ال 5 الاف ج يطلق علية صافى القيمة البيعية فانت فكرت وقولت لا انا هستخدمها افضل لان الاستخدام هيدر لك عوائد 6 الاف ج هنا القيمة الاستردادية للاصل 6 الاف ج لان المعيار اوضح ان القيمة الاستردادية للاصل هى صافى القيمة البيعية او قيمة الاصل فى الاستخدام ايهما اكبر وبالتالى لدينا قيمة دفترية 8 الاف وقيمة استردادية 6 الاف يبقى الاصل حصل له اضمحلال ب 2000ج ويكون القيد 2000 من ح/ اضمحلال الاصول 2000 ج الى ح/ مجمع اضمحلال الاصول ولكن لو كانت القيمة الاستردادية 10000ج ففى تلك الحالة لايوجد اضمحلال وفى النهاية مازلت اتعلم حتى الان