بتفتح التلفزيون لقيت نشرات الاخبار كلها بتتكلم عن فيه عجز فى موازنة الدولة طب ايه هيا الموازنة اصلا
وايه الفرق بين الميزانية والموزنة
الميزانية بتتكلم عن سنة ماضية
الموازنة بتتكلم عن فترة قادمة وبيكون فيها توقع للسنة القادمة
الموزانة الدولة بتشوف ايردات كام وعبارة عن ايه مثلا من الزراعة من الصناعة من البترول والتجارة والتصدير كام ……..الخ
طب الدولة مطلوب منها ايه فى قطاع التعليم وقطاع الصحة وقطاع الطرق والكبارى …..الخ كا مثال دى تعتبر متطلبات من الدولة
نتيجة مثلا انخفاض عدد المصانع والتصدير الى الخارج ايردات الدولة بقت مثلا 110 مليار جنية ايردات متوقعة عن السنة القادمة
والمتطلبات اللى تحتاجها الدولة من تعليم وصحة وطرق ………الخ 130 مليار جنية كدا يبقا فيه عجز فى الميزانية 20 مليار جنية
دور الحكومة انها تعالج هذا العجز ازاى بقا
ممكن عن طريق الغاء الدعم على بعض السلع الغير ضرورية وممكن تساعد الشعب على التصدير الى الخارج وفتح مصانع جديدة فا الحكومة بتحاول تسد عجز الموزانة المستقبلية
كدا نكون وضحنا الفرق بين الميزانية والموازنة بشكل مبسط
