أين الطريق؟
نعم أين الطريق سؤال يجب أن نردده على أنفسنا أحنا رايحين فين ؟؟
وعايزين أيه ؟ معظمنا عايش بدون هدف بدون وجهة مش عارفين أحنا عايزين أيه
علشان كده أنا بتكلم معاكم ونفضفض مع بعض أية لازمتي في الحياة؟؟ أكل وأشرب ؟
أتجوز وأجيب أولاد؟أشتغل وأنام؟
وأعذروني أني بتكلم بالعامية لكنى بحاول أننا نفهم بعض ونقرب من بعض
لازم بجد يكون لنا هدف في الحياة مش عايشين وخلاص لأن لو عايشين وخلاص 00 أعذروني في الي أقوله
أيه الفرق بين الي عايش وخلاص وبين الكائنات الأخرى وأن كان لها فايده وهي مش عايشه وخلاص ده لها وظيفة في الكون من غيرها مش عنلاقي ناكل أو نشرب يعني معنى كده أننا مش زيها ياااريت ده أحنا أقل منها
علشان كده لازم يكون لنا هدف في الحياة وياريت يكون مرتبط بالله في خدمة دين الله وفي خدمة الناس نتعلم ونعلم لو شوفنا غلط نحاول نصلحه بالحسنى ننمي نفسنا بالقراءة بدل ما نعمل شات نستفيد بالوقت ده في حاجه مفيده نشوف بحث نقراه كتاب نتصفحة أي حاجه مفيده نتعلم لغة تفيدنا ونوظفها في توصيل الأسلام للأخرين
بجد لو أخدنا من وقتنا الي بنقضيها بالساعات نصف ساعة بس كل يوم نقرا فصل من كتاب تخيل معايا كم كتاب ممكن تقرأه في خلال سنه ؟ فياريت نخد عهد على أنفسنا أننا نبدأ من النهارده
لأ مش من النهارده من اللحظه ده أننا نتغير للأحسن ننمي عقولنا ونفيد مجتمعنا
وللحديث بقية أن شاء الله
أخوكم:محمد سليم