فرح نفسك فى سطور
فرح نفسك فى سطور
ربنا يفرح قلوبنا جميعا ^^
بس احنا في إيدينا نفرح نفسنا كل يوم بأي حاجة ،
مش لازم نستنى الفرحة تيجي
يعني مثلا :
لو أنت فاضي ممكن تعمل مفاجئة لحد قريبك و تتصل تقولهم انك هتزورهم
ممكن تتصل بواحد صاحبك بقالك فترة كبييرة مكلمتهوش
حد كان فيه بينك وبينه تاتش فتبدأ بالصلح مثلا ^^
لو تفكروا تنزلوا نشاط تطوعي ( فرحة الشغل الخيري متتقدرش وربنا
حاولوا متفكروش في اللي بينكد عليكوا ، حتى لو كانت حاجات كتير
بس جربوا متفكروش فيها
و كل أما تيجي على بالكوا فكروا فى حاجة حلوة بتحبوها ^^جربي تعملي حاجة جديدة ، أكلة حلوة مثلا وبالذات لو مش بتعرفي تتطبخي ، هاتيلهم تلبك معوى هتحسي بالانجاز
جرب تلعب لعبة جديدة ، لو عندك أخوات صغيرين العب معاهم ^^ ،
رجع الطفل الصغير اللي جواك سيبك من جو النت اللي بيشل دهجرب تاخد مامتك فسحة واعزمها على عصير مثلا واتمشوا المغربية كده وخليها تحكيلك زكريات طفولتك اللي انتى مش فاكرها
أو حضرتك جرب تخرج مع مامتك أو أختك ، صدقني هيفرحوا و أنت هتفرح أوي ^^
…
خدوا كل يوم قررىوا تعملوا فيه حاجة مختلفة ،
اكسروا الروتين المستفز اللى احنا عايشين فيه
وطبعا طبعا طبعا متنسوش سيد الفرحة وراحة القلب الإستغفااار و الصلاة_عالحبيب
…
كلنا عندنا هموم و مستنيين فرحة من أى إتجاه ، بس بنحاول نظبط أحوالنا
و زيادة على الحاجات دي فأحب أفكركوا إن انتظار_الفرج عبادة يؤجر عليها الإنسان ^^
و ان أى هم أو وجع أو حزن أو مشكلة أو أو أو ،
كله بيزيد ثوابنا عند الرحمن
و مع كل لحظة وجع أكيد ربنا بيكتبلك لحظة فرح تعوضها بس لسة الآوان مجاش
