التضحية لمن لا يستحقها سذاجة
ف مسلسل “طاقة نور” حنان مطاوع عملت كُل اللي مايتعملش عشان خاطر هاني سلامه مع إن هي عارفه ومتأكده إنه عمره ما هيحبها ولا هيفكر فيها بس كانت عماله تضحي ف سبيل إنه يوم يغير نظرته ليها بس لما حس بيها وفهم برضه قالها *انه مش هينفع* وفضلت مكمله عشانه لحد ما جيه اليوم اللي ماتت بسببه. ”
– ف مسلسل “ظل الرئيس” هنا شيحه كانت بتساعد ياسر جلال تحت مسمي *بتدور ع اللي قتل ابوها* بس الحقيقه انها كانت بتعمل كده عشانه وعشان تبقي معاه لانها بتحبه وفضلت تضحي هي كمان والمشكله انها عارفه إنه مش هيحصل حاجه بينهم وهو برضه لمحلها إنه مش هينفع وهي فضلت مكمله لحد ما سابها وهي مبقتش عايشه زي البني ادمين.”
المشهدين دول كانت كلمه صبا مبارك ف مسلسل “حكايات بنات” ف وداني ع طول وهي بتقول”التضحيه طبعا تصرف جميل ونبيل لكن لما تبقي التضحيه لشخص مايستهلهاش او يقدر او ملوش لازمه بتتحول من تصرف نبيل وعظيم لتصرف عبيط وساذج ”
متضحيش عشان واحد هو عمره ما هيقدر ده ولا هيحبك ولا هينفع* ،، والكلام ده مش ع البنت بس لا ع الولد كمان *متفضلش تضحي لبنت وانت عارف انها مش هتحبك ولا هتقدر ده ولا هينفع متتعبوش نفسكوا ع الفاضي