يعني ايه تنمية بشريه؟

تعريف التنمية البشرية (Human Development)

ازيكم أعضاء منتدى ” NOGOOOM ” ؟ كتيربنسمع الأيام دي عن ال HD أو التنمية البشرية وفي ناس كتير بدأت تهتم بالمجال دا وبكورسات ال HD لأنها بتساعدهم في التغيير من أنفسهم وتطوير مهارتهم وفي مجال العمل بعض الشركات بتشترط ان المتقدم للوظيفة يكون حاصل على شهادة HD معتمده لذلك هو مجال مهم جدا حاليا , طيب يعني إيه بقى تنمية بشريه؟
ببساطة كده لحد سنة 1991 كانت كل دول العالم تعتقد انها علشان تتقدم ويكون عندها اقتصاد قوي محتاجه بس موارد مادية,

ودا طبعا كلام غير منطقي لأن لوعندك موارد ماديه وثروات ازاي هتستغلها صح لو مش عندك انسان كفؤ عارف ازاي يكون ناجح ويحدد أهدافه ويفكر بطريقه ايجابيه ويوظف كل الموارد والامكانيات المتاحة وبعدين اكتشفو الكنز والكنز دا جوانا كلنا وهو الطاقة البشريه الموجودة في الانسان علشان كدا بدأو يهتموا بالانسان ويطوروا قدراته ومهاراته وعلشان كدا جه مصطلح “التنمية البشريه ” يعنى تنمية الانسان,
والمصطلح دا قديم من بعد الحرب العالمية الثانية وسبب ظهوره هو ان كل الدول بعد الحرب عانت من دمار شامل وخسائر هائلة جدا ,
وعلشان يكون عندنا تنمية سياسية , ثقافية , اجتماعية واقتصادية لازم نربط تنمية الانسان “التمية البشرية” بكل نوع منهم علشان نوصل في الاخر لتنمية شاملة.

الكلام دا يعني ايه بقى بطريقة منمقة ومنظمة

مصطلح التنمية البشرية .. ويقصد به : “إكساب الفرد قناعات ومهارات ومعارف لتطوير الأداء والإنجاز”
1- القناعات تشمل (الاتجاهات – الرغبات – الصور الذهنية – المفاهيم عن الأشياء – بعض الخصائص والسمات – بعض المشاعر والرغبات النفسية)
وإكساب القناعة يكون بأمرين :
أ- الأثر : ما الذى يحدث بعد فعل الأمر
ب- الامكانية : هل يمكن فعله
مثلا : القدرة على شراء المروحة (إمكانية)
الراحة والجو الجميل (أثر)
2- المهارات تشمل القدرات المطلوب توافرها لدى الفرد حتى يؤدى عملا بكفاءة (ذهنية – يدوية – جسدية – تحليلية – ادارية)
3- المعارف تشمل المعلومات اللازمة لأداء الشئ ونظمه وقوانينه وسياسات العمل به وأولويات العمل

يارب يكون اسلوبي في الشرح عجبكم وقدرت اوصل المعنى ببساطة ويسر